გიორგი სიგუა აკრედიტებულ ჟურნალისტებს რომში ,,მომავლის ფორუმზე” დასწრების უფლებას არ აძლევს

349

რომში, ერთ-ერთ სასტუმროში მიხეილ სააკაშვილისა და ემიგრანტების შეხვედრაზე აკრედიტებულ ჟურნალისტებს დასწრების საშუალებას არ აძლევენ. ამის შესახებ პირველი არხის ჟურნალისტი რომიდან იუწყება. მისი ინფორმაციით, თავდაპირველად, მიხეილ სააკაშვილის მხარდამჭერმა გიორგი სიგუამ ჟურნალისტებს უთხრა, რომ შეხვედრაზე დასწრებასა და საქართველოს ყოფილი პრეზიდენტისთვის კითხვების დასმას შეძლებდნენ, თუმცა მოგვიანებით განუცხადა, რომ შეხვედრაზე დასწრებას ვეღარ შეძლებდნენ.

ამის მიზეზად გიორგი სიგუა ასახელებს სასტუმროს ადმინისტრაციის გადაწყვეტილებას, რომელმაც შენობაში შესვლაზე შეზღუდვები დააწესა. როგორც პირველი არხის ჟურნალისტი იუწყება, სააკაშვილთან შეხვედრაზე მხოლოდ ტელეკამერებს დაუშვებენ.

საქართველოს ყოფილ პრეზიდენტ მიხეილ სააკაშვილთან შესახვედრად ემიგრანტები რომში იკრიბებიან. მოძრაობა „ერთად სახლშის“ ორგანიზებით შეხვედრა რომში, რესპუბლიკის მოედანზე, ერთ-ერთ სასტუმროში გაიმართება.