იტალიაში 36 წლის ემიგრანტის გარდაცვალება შოთო სიხარულიძის ინფორმაციით გულის შეტევამ გამოიწვია

2996

იტალიაში 36 წლის ქართველი ქალი თამარ დარჩია, სავარაუდოდ, გულის შეტევით გარდაიცვალა. ინფორმაციას სოციალური ქსელის მომხმარებელი შოთა სიხარულიძე ავრცელებს. როგორც სიხარულიძის სტატუსიდან ირკვევა, ემიგრანტი ქალბატონი საქართველოდან 6 თვის წინ წასულა.

„გარდაიცვალა ემიგრანტი 36 წლის თამარ დარჩია იტალიაში…. მეხის გავარდნას ჰგავდა შენი უეცარი გარდაცვალება. ჩვენთვის ძნელია იმასთან შეგუება, რომ შენ აღარა ხარ ჩვენს გვერდით, რა იყო ეს ბედისწერა? 6 თვე საქართველოდან და ოჯახისგან შორს ყოფნა ვერ გაუძლო შენმა პატარა, მაგრამ საოცრად დიდმა და კეთილმა გულმა… ცრემლით და დიდი ტკივილით უზომოდ მოგვენატრება შენი გულიანი კისკისი და ტკბილი საუბარი. კეთილი და სამართლიანი იყავი და ეჭვი არასდროს შეგვეპარება, რომ ამ სოფლიდან ყველა შემოგაშველებს ლოცვას, ლამაზი და მშვენიერი წაგიყვანა სადაც მართალნი განისვენებენ, ცათა სასუფეველში გადაინაცვლა შენმა ლამაზმა სულმა. არაფერია ამ ქვეყანაზე სიკვდილზე საშინელი. “შოთო სიხარულიძე ქართველი ემიგრანტები” ღრმა მწუხარებას გამოთქვამს თანაუგრძნობს და სამძიმარს უცხადებს ოჯახსა და ახლობლებს, ღმერთმა ნათელში ამყოფოს მისი ლამაზი სული. უფალო აკმარე საქართველოს ამდენი ემიგრანტის უბედურება… მარადიული ხსოვნა ყველა გარდაცვლილს ქართველ ემიგრანტს… საქართველოს ენით აუღწერელი ტკივილი ემიგრანტებია…. ემიგრანტები!!! ვაი სიშორევ, ძალა არ გვყოფნის ტკივილმა ქვა-კლდედ გადაგვაქცია“, – წერს შოთა სიხარულიძე.