რუსეთში აღსრულებული წმიდა თამარ აღმსარებლის წმიდა ნაწილები საქართველოს ეკლესიას გადაეცა

140

რუსეთში აღსრულებული წმიდა თამარ აღმსარებლის წმიდა ნაწილები საქართველოს ეკლესიას გადაეცა.სქემ-იღუმენია თამარ მარჯანიშვილი საქართველოს მართლმადიდებელმა ეკლესიამ 2016 წლის 22 დეკემბრის წმინდა სინოდის სხდომაზე წმინდანად შერაცხა და მას ღირსი თამარ აღმსარებელი უწოდა.

„ჩვენ ვითხოვდით მისი წმინდა ნაწილების გადმოცემას და აი, დღეს, 10 დეკემბერს, რუსეთის ეკლესიის საგარეო საქმეთა განყოფილების ხელმძღვანელმა, მიტროპოლიტმა ილარიონმა (ალფეევი) და მისმა თანმხლებმა ორმა პირმა ჩამოაბრძანეს სიწმინდე და საქართველოს საპატრიარქოში მოაბრძანეს. საქართველოს საპატრიარქოში წმინდა თამარის წმინდა ნაწილებს დედათა მონასტრების მონაზვნები დახვდნენ. სრულიად საქართველოს კათოლიკოს-პატრიარქმა კი, მღვდელმთავრებთან და სამღვდელოებასთან ერთად პარაკლისი გადაიხადა და ღირს თამარს საქართველო და ქართველი ერი შეავედრა“, – აღნიშნულია საპატრიარქოს განცხადებაში.