საქართველოს სამოციქულო მართლმადიდებელი ეკლესიის , გერმანიისა და ავსტრიის ეპარქიის მიუნხენის ქართული სამრევლოს წინამძღვარი დეკანოზი თამაზ ლომიძე საჯაროდ წერს რომ უცხოეთში არსებულ სამრევლოებს დაფინანსება საერთოდ არ აქვთ და ამ მხრივ ყურადღებას საჭიროებენ: ,,კვლავ 0 თეთრი დახმარება გერმანია-ავსტრიის სამრევლოებს ! ისევ 26 მილიონი წლიურად საქართველოს მართლმადიდებელი ეკლესიის სხვა ეპარქიებს, კიდევ დამატებით 456 313 ლარი ისევ საქართველოში მყოფ ეკლესიის დაწესებულებებს და კვლავ – ა რ ც ე რ თ ი – თეთრი დახმარება გერმანია-ავსტრიის უცხოეთში გადმოხვეწილ ქართულ მართლმადიდებელ სამრევლოებს და მათ საკვირაო სკოლებს. გეკითხებით, ჩვენ არ ვართ საქართველოს ეკლესიის ნაწილი? ჩვენ არ ვემსახურებით ქართული ეკლესიის ემიგრაციაში მყოფ მრევლს?
ეს უსამართლობაა და გახსოვდეთ, ღმერთი ხედავს თქვენს საქციელს!” – აცხადებს საკუთარ განცხადებაში მღვდელმსახური.
