რუსეთის საინფორმაციო არხზე რადიოსადგურ “გოვორიტ მოსკვა”-თან ინტერვიუში, მელაზემ დაადასტურა, რომ საქართველოს მოქალაქებაზე, განაცხადი უკვე შეიტანა, მაგრამ ამავე დროს დაამატა, რომ ეს არ ნიშნავს, რუსეთის მოქალაქეობაზე უარის თქმას.
“მე ამ ფაქტს არ ვმალავ. თუმცა, ეს რუსეთის მოქალაქეობაზე უარის თქმას არ ნიშნავს. ჩემი ქმედებები რუსეთისა და საქართველოს კანონებს არ ეწინააღმდეგება“, – განუაცხადა მელაძემ.
მომღერალმა ასევე განმარტება გააკეთა, რომ საქართველოში დაიბადა და გაიზარდა იმ დროს, როდესაც ამ ქვეყნებს შორის საზღვრები, არ არსებობდა.
„თუმცა შემდეგ, ეს საზღვრები გაჩნდა. ახლა კი მე მსურს, რომ სულ მცირე, ჩემთვის, ეს საზღვრები კვლავ წავშალო. დარწმუნებული ვარ, რომ კიდევ ერთი მოქალაქეობის მიღებით, მორალურ ზიანს არავის მივაყენებ“, – აცხადებს მელაზე.
შეგახსენებთ, რომ მომღერალი, რამდენიმე დღის წინ, მის მშობლიურ ქალაქში, ბათუმში იმყოფებოდა, სადაც ის დაიბადა და სადაც დღემდე, მისი ახლო ნათესავები ცხოვრობენ. მან, თხოვნით მიმართა იუსტიციის სამინისტროს, მოქალაქეობის აღდგენის თაობაზე.
საქმე ეხება, ორმაგ მოქალაქეობას – საქართველოს მოქალაქეობის აღდგენას და ამასთანავე რუსეთის ფედერაციის მოქალაქეობის შენარჩუნებას.
შეგახსენებთ, რომ 15 აგვისტოდან, საქართველოს კანონდებლობაში შესული ჩასწორების თანახმად, საქართველოში დაბადებულ მოქალაქეს, რომელმაც სხვა ქვეყნის მოქალაქეობის მისაღებად, საქართველოს მოქალაქეობა დაკარგა, შეუძლია, მიმართოს შესაბამის ორგანოს, მოქალაქეობის აღდგენის თხოვნით.
