ზღვაში ჰუმანიტარული ოპერაციის შედეგად გადარჩენილი 224 მიგრანტი იტალიამ არ მიიღო

0
4522

ხმელთაშუა ზღვაში გერმანული საქველმოქმედო ორგანიზაცია Mission Lifeline-ის სამაშველო გემმა გადაარჩინა 224 მიგრანტი, რომლებიც ევროპაში მოხვედრას ცდილობდნენ, თუმცა, მალტამ და იტალიამ მათ მიღებაზე უარი განაცხადა.

იტალიის პრემიერ-მინისტრის მოადგილემ და შინაგან საქმეთა მინისტრმა მატეო სალვინიმ არასახელმწიფო სამაშველო ორგანიზაციები გააკრიტიკა. მისი განცხადებით, საქველმოქმედო ორგანიზაციები არ უჯერებენ იტალიისა და ლიბიის ხელისუფლებას და სხვის საქმეში ერევიან.

თავის მხრივ, მალტას მთავრობაში განაცხადეს, რომ სამაშველო ოპერაციის კოორდინირება იტალიასა და ლიბიაში მიმდინარეობდა, ამიტომ მალტა პასუხისმგებელი მხარე ვერ გახდება.