საბერძნეთში ქართველ ემიგრანტთა უფლებადამცველის ავთანდილ გიუნაშვილის განცხადებით – საბერძნეთის ბინადრობის ნებართვის მქონე ქართველ ემიგრანტებს აღნიშნული დოკუმენტი ევროკავშირის წევრ ქვეყნებში სამშობლოში ჩაუსვლელად გარკვეულ პრივილეგიებს ანიჭებს , მისი განცხადების თანახმად : საბერძნეთის ბინადრობის ნებართვის (Αδια διαμονής ე.წ. 3 წლიანის, 7 წლიანის და ა.შ. ) მქონეთა უფლებები და პრივილეგიები ევროკავშირსა და შენგენის ქვეყნებში შემდეგნაირად გამოიყურება: ,,საბერძნეთის ბინადრობის ნებართვის (ΑΔΕΙΑΣ ΔΙΑΜΟΝΗΣ) მქონე საქართველოს მოქალაქეებს შეგიძლიათ ევროკავშირსა და შენგენის ზონის ნებისმიერ ქვეყანაში გაემგზავროთ პირდაპირ საბერძნეთიდან და დარჩეთ 90 დღიდან 180-დღემდე პერიოდში, როგორც ტურისტი ყოველგვარი დამატებითი ნებართვების გარეშე, განსხვავებით ე.წ. ,,ბლე ვევეოსისა” რომლის ფლობის შემთხვევაშიც უფლება გაქვთ მხოლოდ სამშობლოში თავისუფალი მიმოსვლის, ხოლო თუ აპირებთ 90 დღეზე მეტ ხანს დარჩენას ევროკავშირის რომელიმე ქვეყანაში მაგალითად სამკურნალოდ ან სამუშაოდ შესაბამისი დოკუმენტაციის და პროცედურის გავლის შემდგომ ადგილობრივ მიგრაციის სამსახურში შეძლებთ გააკეთოთ ე.წ. ბინადრობის ნებართვის გადაცვლა და მიიღოთ იმავე კატეგორიის და უფლებების ადგილსამყოფელი ქვეყნის ლეგალური დოკუმენტი.
რაც შეეხება სხვა კატეგორიის ბინადრობის ნებართვებს – მაგალითად გრძელვადიანი ბინადრობის ნებართვები ( ΑΔΕΙΑ ΔΙΑΜΟΝΗΣ ΕΠΙ ΜΑΚΡΟΝ ΔΙΑΜΕΝΟΝΤΟΣ, ე.წ ,,5 წლიანები”, ,,10 წლიანები” და ა.შ.) ასევე პირდაპირ საბერძნეთიდან შეგიძლიათ გაემგზავროთ და ასევე გაქვთ უფლება იმუშაოთ და იცხოვროთ ევროკავშირის ნებისმიერ ქვეყანაში, ადგილობრივი ქვეყნების შესაბამის უწყებებში მარტივი განცხადების და სარეგისტრაციო პროცედურების შემდგომ .
საქართველოს მოქალაქეს რომელსაც თბილისში საბერძნეთის საკონსულოს მიერ გაცემული სამუშაო ვიზით აქვს მიღებული ბინადრობის ნებართვა ასევე საბერძნეთიდან პირდაპირ შეუძლია მგზავრობა ევროკავშირის ქვეყნებში , ხოლო მუშაობის უფლება არ აქვს.” – განმარტავს გაკეთებული განცხადებაში ავთანდილ გიუნაშვილი.
