NDI -გამოკითხულთა 44% საქართველოს მთავრობის მუშაობას დადებითად აფასებს

0
757

ეროვნულ-დემოკრატიული ინსტიტუტისა (NDI) და „კავკასიის კვლევითი რესურსების ცენტრი (CRRC) საქართველო“-ს მიერ გამოქვეყნებული კვლევის მიხედვით, გამოკითხულთა 56% 2019 წლის აპრილში საქართველოს მთავრობის საქმიანობას უარყოფითად აფასებს, 36% კი, დადებითად. ამასთან, 2018 წლის დეკემბერში არსებული მთავრობის საქმიანობას გამოკითხულთა 53% ცუდად აფასებს, ხოლო 44% კარგად. ეროვნულ-დემოკრატიული ინსტიტუტი (NDI) და CRRC-საქართველო 2019 წლის აპრილში ჩატარებული საზოგადოებრივი აზრის კვლევის შედეგების მეორე ნაწილს წარადგენს. აღნიშნული კვლევა, 28 მარტი-15 აპრილის პერიოდში, საქართველოს მასშტაბით 2,927 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა ასევე წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების ზღვარი არის +/- 2.3 პროცენტი.