იტალიის მიერ გამკაცრებულ სასაზღვრო კონტროლს საქართველოს მხარეც ადასტურებს და განცხადებას ავრცელებს

0
6380

იტალიის მიერ გამკაცრებულ სასაზღვრო კონტროლს საქართველოს მხარეც ადასტურებს და განცხადებას ავრცელებს, იტალიის რესპუბლიკაში საქართველოს საკონსულო იტალიაში მოგზაურობის მსურველ საქართველოს მოქალაქეებს მოუწოდებს, თან იქონიონ ვიზალიბერალიზაციის რეჟიმით მოთხოვნილი ყველა საჭირო საბუთი, – ამის შესახებ განცხადება საკონსულომ Facebook-ისოფიციალურ გვერდზე გამოაქვეყნა. „მოგახსენებთ, რომ ბოლო პერიოდში იტალიის რესპუბლიკის მთავრობის მიერ გამკაცრებული სასაზღვრო კონტროლის პირობებში, არაერთხელ დაფიქსირდა იტალიის ტერიტორიაზე იმ საქართველოს მოქალაქეების არშემოშვების ფაქტი, რომლებსაც სასაზღვრო შემოწმებისას წესრიგში არ ჰქონდათ კანონით მოთხოვნილი დოკუმენტაცია.

იტალიაში საქართველოს საკონსულოს, ისევე როგორც სხვა უცხო ქვეყნის საკონსულო სამსახურებს, არ გააჩნია არანაირი სამართლებრივი ბერკეტი, რომ მესაზღვრის მიერ კანონიერად მოთხოვნილი დოკუმენტების არარსებობის შემთხვევაში, ჩაერიოს მესაზღვრის კომპეტენციაში და შეცვალოს მისი გადაწყვეტილება ამა თუ იმ მოქალაქის იტალიის ტერიტორიაზე შემოშვების მიზნით.

შევახსენებთ საქართველოს ყველა მოქალაქეს, რომელიც აპირებს იტალიის რესპუბლიკაში მოგზაურობას, იქონიოს ვიზალიბერალიზაციის რეჟიმით მოთხოვნილი ყველა საჭირო საბუთი“, – აღნიშნულია იტალიის რესპუბლიკაში საქართველოს საკონსულოს განცხადებაში.