ქართველი მომღერალი თამთა გოდუაძე უკვე მრავალი წელია, რაც საბერძნეთში წარმატებით მოღვაწეობს. საშემსრულებლო ნიჭის გარდა, ის გამორჩეული გემოვნებით იწონებს თავს, რის გამოც 2017 წელს ბერძნულ ჟურნალში – ”CELEBRITY”, იგი სტილის კერპადაც აღიარეს.
თამთა ქართველი ფართო აუდიტორიის წინაშე 2014 წელს ქართულ „იქს ფაქტორში“ გამოჩნდა, ის ჟიურის წევრად მოგვევლინა, პირველივე დღიდან მის მიმართ უწყვეტი ინტერესი გააჩინა.
ქართული ,,იქს ფაქტორის“ გარდა ის ამავე პროექტის ბერძნული ანალოგის ჟიურის შემადგენლობაშიც იყო.
თამთა მუდმივად ტრენდული სამოსით ჩნდება გულშემატკივრების წინაშე, მისი ჩაცმულობა ერთგვარ მაგალითადაც ხშირად იქცევა, რადგან უნებურად აწესებს მოდურ მიმდინარეობებს, რომლის სტილიც დახვეწილი და ამავდროულად ეპატაჟურია.
მომღერალი ,,ინსტაგრამის“ აქტიური მომხმარებელია, სადაც მისი ჩაცმულობის (ე.წ. ,,ლუქების“ ) გარდა სხვადასხვა შოუსა და აქტივობის ამსახველი ფოტოები ვრცელდება.
თამთა თამამი და სექსუალური იმიჯის მორგებას არ ერიდება. მისი მაკიაჟი, ჩაცმის სტილი, ვარცხნილობა ყოველთვის საინტერესოა, რაც მის მიმართ ინტერესს კიდევ უფრო აღვივებს.
2018 წლის ქართული “იქს ფაქტორი” სულ ახლახან დაიწყო, თუმცა თამთამ მაყურებელს თავი არაორდინალური ლუქებით უკვე დაამახსოვრა.
წყარო:okmagazine.ge
