ჯანდაცვის სამინისტროს ინფორმაციით, საბერძნეთში კორონავირუსით ინფიცირების 78 ახალი შემთხვევა დაფიქსირდა. ეს მხოლოდ ბოლო 24 საათის მაჩვენებელია.
საერთო ჯამში ქვეყანაში ოფიციალურად ვირუსით დაავადებული 821 ადამიანია.
ამასთანავე, დაიღუპა კიდევ ორი ადამიანი, რამაც გარდაცვლილთა რიცხვი 22-მდე გაზარდა.
ოფიციალური ცნობით, საავადმყოფოში მოთავსებული პაციენტებიდან 53 მართვით სუნთქვაზეა გადაყვანილი.
