27 ნოემბერს საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ზვიად კვაჭანტირაძე საქართველოს პარლამენტში სტაჟირებაზე მყოფ ახალგაზრდებს შეხვდა და დიასპორისა და კავკასიის საკითხთა კომიტეტის ძირითადი ფუნქციები და საქმიანობის სპეციფიკა გააცნო.
✪ დიასპორისა და კავკასიის საკითხთა კომიტეტის თავმჯდომარემ უცხოეთში მცხოვრებ თანამემამულეთა შორის ეროვნული თვითშეგნების შენარჩუნებისა და მათი ერთიან ეროვნულ სივრცეში ინტეგრაციის მნიშვნელობაზე ისაუბრა. ყურადღება გაამახვილა სახელმწიფოსა და დიასპორების ურთიერთთანამშრომლობასა და ურთიერთვალდებულებებზე.
✪ შეხვედრაზე საუბარი ასევე ქართულ დიასპორებში საკვირაო სკოლების და ქართული ენის სწავლებისა და შენარჩუნების მნიშვნელობას შეეხო.
