„მოგეხსენებათ, რომ საერთაშორისო ვაჭრობის განვითარების კუთხით, გვაქვს კომპლექსური გეგმა და ამ გეგმას ნაბიჯ-ნაბიჯ ვახორციელებთ. ერთ-ერთი შემადგენელი ნაწილი გახლავთ კომერციული ატაშეების ინსტიტუტის დანერგვა. ეს იქნება დიპლომატიური რანგის მქონე თანამშრომელი, რომლის უშუალო მოვალეობა იქნება საქართველოდან ექსპორტის წახალისება, ექსპორტიორების უფლებების დაცვა, ინვესტიციების, ახალი ტექნოლოგიების შემოტანა ჩვენს ქვეყანაში და ჩვენ ამას ვიწყებთ 6 საპილოტე ქვეყნიდან. შევარჩიეთ – აშშ, გერმანია, თურქეთი, დიდი ბრიტანეთი, არაბთა გაერთიანებული საემიროები და ჩინეთის სახახლო რესპუბლიკა. ეს არის დასაწყისი. ატაშეებს, ექნებათ ფუნქცია, რომ გეოგრაფიულად ახლოს მყოფი ქვეყნების არეალიც მოიცვან, მაგრამ, რა თქმა უნდა, ჩვენ გავაგრძელებთ პრიორიტეტულ ბაზრებზე კომერციული ატაშეების დისლოცირებას. ჩემი აზრით, ეს იქნება ძალიან მნიშვნელოვანი სტიმული საქართველოდან ექსპორტის წახალისებითვის და საქართველოში ინვესტიციების შემოტანისთვის“, – განაცხადა კვირიკაშვილმა.
