საქართველოდან წასული 11 ოჯახი ბარსელონაში ისევ ღია ცის ქვეშ რჩება

0
2648
ესპანეთის ხელისუფლების გადაწყვეტილებით, ბარსელონის ერთ-ერთი სკოლის შენობიდან გუშინ გამოსახლებული ქართველი ოჯახები მოლაპარაკებების შემდეგ ჰოსტელში მხოლოდ ერთი დღით დატოვეს. ისინი ესპანეთში თავშესაფრის მიღებას ითხოვენ. საქართველოს მოქალაქეებთან მუდმივ კონტაქტზეა საქართველოს კონსული ბარსელონაში. არ არის გამორიცხული, საქართველოს მოქალაქეების ნაწილს ქვეყნის დატოვება აიძულონ.
„მოხდა გამოსახლება, როგორც მოქალაქეები ამბობენ, ყოველგვარი წინასწარი გაფრთხილების გარეშე. შეხვედრა მქონდა როგორც საემიგრაციო ცენტრის წარმომადგენლებთან, წითელ ჯვართან, ქალაქის მმართველობასთან, რა თქმა უნდა იქ ვიყავი, არის 11 ოჯახი მათ შორის არის 19 არასრულწლოვანი, თავის დრო როცა მოვა, გამოვლენ ინტერვიუზე და გადაწყვეტს მადრიდი, მისცემენ თუ არა თავშესაფარს, მანამდე მათ თავის თავს უნდა მიხედონ,“-აცხადებს საქართველოს გენერალური კონსული ბარსელონაში ქეთი გოგოლაშვილი.
ავტორი : ჟანა მეგრელიშვილი