საფრანგეთის დედაქალაქ პარიზის მახლობლად ჩრდილო-დასავლეთით მდებარე გარეუბანში, კონფლან სენტ-ონორინის კომუნაში მასწავლებელს თავი მოკვეთეს. ამის შესახებ იფნორმაციას “დოიჩე ველე” ავრცელებს. გავრცელებული ცნობით, მსხვერპლმა თავისი მოსწავლეებისთვის სიტყვის თავისუფლების შესახებ გაკვეთილს ატარებდა და მათ წინასწარმეტყველ მუჰამედის კარიკატურა აჩვენა. ინციდენტი ადგილობრივი დროით, 17:00 საათზე, სასწავლო დაწესებულების გვერდით მოხდა.
საერთაშორისო სააგენტო Reuters-ი თვითმხილველებზე დაყრდნობით წერს, რომ დანაშაულის ჩადენის მომენტში, მკვლელი ყვიროდა “ალაჰ აქბარს”. სავარაუდო მკვლელი – ერთ-ერთი მოსწავლის მშობელია.
პოლიციამ თავდამსხმელი ვალ-დ’უაზის კომუნაში აღმოაჩინა. ის სამართალდამცველებს ცივი იარაღით დაემუქრა, რის შემდეგაც პოლიციამ ის ადგილზე მოკლა.
ადგილობრივი მედიის ინფორმაციით, დაკავებულია 9 ადამიანი, მათ შორის ერთი არასრულწლოვანია.
საფრანგეთის პრეზიდენტმა, ემანუელ მაკრონმა მომხდარს ტერორისტული აქტი უწოდა.
“მოკლეს მოქალაქე, რადგანაც ის იყო მასწავლებელი და რადგანაც ის ასწავლიდა გამოხატვის თავისუფლებას“.-განაცხადა მაკრონმა.
საფრანგეთის პროკურატურის ინფორმაციით პარიზის გარეუბანში პარასკევს საღამოს სკოლის მასწავლებელს თავი 18 წლის წარმოშობით ჩეჩენმა კაცმა მოაჭრა, რომელიც მოსკოვშია დაბადებული.
საფრანგეთის ხელისუფლების განცხადებით თავდამსხმელი აბდულაკ აბუეზიდოვიჩია. ის 2002 წლის 12 მარტს მოსკოვში დაიბადა, საფრანგეთში კი დევნილის სტატუსი ქონდა.
